Mariel Baltazar, Gabrielle Carballo miss crowns at int'l pageants

Mariel Baltazar finishes Top 11; Gabrielle Carballo lands Top 21.

Mariel Baltazar (left) and Gabrielle Carballo (right) were unable to bring home crowns for the Philippines at Miss Aura International 2026 and Miss Eco International 2026, respectively. Mariel finished in the Top 11, while Gabrielle made the Top 21 and won the special award for Miss Eco Top Model.

Hindi natupad ang inaasam at ipinagdarasal na back-to-back win ng mga kandidata ng Pilipinas sa Miss Aura International 2026 at Miss Eco International 2026 dahil parehong hindi pinalad sina Mariel Baltazar at Gabrielle Carballo.

Featured Stories

Cabinet Files

Ogie Alcasid reveals Regine Velasquez underwent voice treatment ahead of Finale concert

Magkasabay na idinaos ang dalawang international beauty pageants noong Mayo 22, 2026 (Mayo 23 ng madaling-araw sa Pilipinas).

MISS AURA INTERNATIONAL 2026

Si Mariel ang official delegate ng Pilipinas sa Miss Aura International 2026 na ginanap sa Antalya, Turkiye.

Top 11 finisher lamang siya kaya hindi niya nasundan ang tagumpay ni Krishan Allere, ang Filipina titleholder noong nakaraang taon.

Tumagal ng mahigit sa sampung minuto ang farewell speech ni Krishan dahil pinasalamatan at inisa-isa niya ang lahat ng mga pangalan ng mga sumuporta sa kanya.

Si Isabella Rossini, 20, ng Czech Republic ang hinirang na Miss Aura International 2026.

First runner-up si Barbara Wolfenson ng Chile; second runner-up si Azaliya Timergalieva ng Bashkortostan; third runner-up si Aleksandra Kochergina ng Tatarstan; at fourth runner-up si Melanue Cury ng Colombia.

Dahil sa Miss Aura International 2026, nalaman ng pageant fans na may mga lugar sa ibang panig ng mundo na Bashkortostan at Tatarstan ang pangalan.

Mga republika ng Russia ang Tatarstan at Bashkortostan, at bahagi ng Eastern Europe.

MISS ECO INTERNATIONAL 2026

Top 21 finisher naman si Gabrielle Carballo sa 11th Miss Eco International na idinaos ang gabi ng koronasyon sa Helnan Antoniades Palace Hotel sa Alexandria, Egypt.

Naging mailap kay Gabrielle ang suwerte, pero siya ang tumanggap ng special award na Miss Eco Top Model.

Si Palmira Ruiz ng Mexico ang successor ni Alexie Brooks ng Pilipinas bilang Miss Eco International 2026.

First runner-up si Mishel Shotropa ng Ukraine; second runner-up si Adriana Gravador ng Australia; third runner-up si Nickyta Aurellia ng Indonesia; at fourth runner-up si Joana Camargo ng Brazil.